السلام عليكم
خروجا عن حاله النكد والاكتئاب التى اعانى منها تلك الايام
اكتب التدوينه الثانيه فى تدوين اليومى لهذا الشهر
________________________________
مسكت مومبليى
وقلبت فى الاسماء
لاقيت اسماء كتيره جدا حوالى 475 اسم
مين دول
ده مين وبتاع وايه
دا انا مفيش الاعداد دى
محدش بيتصل بيا
ولا بيسأل فى اهلى
مين دول
يا ربى
ده عم محمد بتاع السجل المدنى
ودهعم ابراهيم بتاع الكهرباء
وده سواق التاكس
وده اللى كان باعتنى ليه اخويا علشان
اقضى له مصلحه
ده بقه
محمود
بتاع هندسه قنا
بس خلاص الله اعلم هو فين
وعلاقتى بيه كانت نص نص
وده اللى قابلته بالصدفه
مع زميلى واتعرف عليا
واعطانى رقم موبيله
بس مكلمتهوش
ولو شوفته
مش هعرفه
ده بقه زميلى بتاع السنه اللى فاتت
هو نجح واتخرج وانا محلك سر
والعلاقه كانت سطحيه جدا
ده بقه زميلى ايام ابتدائى
ده الوحيد اللى لو شفته هعرفه
لانه جيرانى ومينفعش امسح اسمه
قمت بممسح
275 اسم
مش فاكرهم
والاساماء المكرره
برضوا اللى باقى
200اسم
مين دول الله اعلم
منهم اعز الاصدقاء اللى اعدادهم لا يتجاوز اليد الواحده
ومنهم الدكاتره الخاصه باخى عصام
ومنهم اصدقاء العائله
ومنهم البيت ماما وبابا واخواتى
وبعض اقاربى
منهم اسم او اسمين لمشايخ اتعلمت على ايديهم فى الازهر
منهم الزملاء
لكن
مين اللى بكلمهم وبيكلمونى بصفه دائمه
او متقطعه
برضوا ميتجاوزوش اليدين
طيب ايه لازمه الاسماء دى كلها
مشاغل الحياه
زى القطار
بتاكل قدامها
ميهمهاش
______________________-
الاسماء اللى بكيت لما مسحتها
ارقام تليفونات ناس كنت اعرفهم
وتوفوا
وانتقلوا
ارقام ارضى وموبيلات
يااااااااااااااااااه الانسان عباره عن
رقم موبيل
فى تليفون
سبحان الله
__________________
يا ترى كام واحد من اللى التقيت بيهم عمل كده باسمى ومسحه فى سله النسيان
وحتى لو شوفته
وهو شافنى
هيعرفنى
معتقدش
اخرتها
بقينا اسم فى موبيل
\(_________________________
لا يبقى للانسان الا العمل الصالح
لا يبقى للانسان الا العمل الصالح
والسيره الحسنه
والمواقف الجميله اللى بيدعوا فيها بصدق الى الله
بالحال
لا بالمقال
لان الحال
يحفر فى الوجدان
اما الكلام
ما اكثره
ربنا يلطف بحالنا
هناك 6 تعليقات:
:(
للاسف صحيح
اقولك سر يا محمود
انا كل كام شهر بغير رقمي.. خالص
والكونتاكت بتاعي بيكون على الشريحة
فبالتالي كل الارقام بتضيع
وبعد كده المهمين عندي حافظة ارقامهم
فسجلها بمجرد ما بجيب الشريحة
وبسيب خطي القديم مفتوح اسبوع
اللي بيسأل عليا في الاسبوع ده بسجل رقم
واللي ما بيسألش عليا اسبوع كامل
اعتقد ماليش قيمة في حياته
وبالتالي هو ولا يأثر فيا.. بس كده :)
هي دي الدنيا
اليوم تتعرف على ناس
بكرة تنساهم وينسوك
ويمحوك من ذاكرتهم مش بس من الجوال
هذه هي سنة الحياة
امين يارب
ويجعلنا من عباده الصالحين
تقبلي مروري ^_^
كثير ما يطوى الزمن صفحات من حياتنا
بحلوها ومرها وبالناس اللى فيها
ويحطهم ف درج النسيان ف دولاب الدنيا
اكبيره
وقليل جدا ما تظل صفاحت مفتوحه دون
طوى هكذا حال الدنيا يا محمود ربنا
يوفقك وربنا ما يحرمك من حبيبك ابدا
ولا يجعلك يوم تمسح رقم حد فيهم ابقى
طمنى عليك وعلى اخبارك...منه
هى دى مشكلتنا النسيان
وحال الدنيا صبح محال
نفس احساسى لما بفتكر حد نسينى
ابكى واقول يا ترى فاكرنى ولا ناسينى
عندك حق حوده
تحياتى
فِعلاً ..!
الحَياهْ قَطرْ .. !
المَحطاتْ كتيرَه لدَرجةْ
إننا بَقينـآ مُتباعدِينْ جداً !
عَجبنِي تَشبيهكْ جداً ..:)
إرسال تعليق