السلام عليكم
اخوانى واخواتى
جاى النهارده هتكلم عنى
هو كل واحد عامل مدونه علشان يفضفض فيها يزعق فيها
يشد فى شعر راسه فيها
يقطع هدومه
يقطع كتبه يرميها
يرمى هدومه يمين وشمال اصل اكتشفت ان المدونه زى اوطه النوم بتاعه البنى ادم
ممكن تلاقى شراب مرمى هنا ولا لامؤخذه هدوم ريحته تكسف هنا ولا هنا
وكمان ممكن متعلقاتك الشخصيه موبايلك
التانى اللى فيه الشريحه ايها ولا كات الميمورى الخاص جدا
مرمى هنا ولا هنا
ولا جهازك اللاب توب بتاعك وفيه فلاشه 16 ولا 32 جيجا
فيها كل حاجه عنك خاصه اصلك
بتخاف تخلى حاجتك على الجهاز
علشان فى نتاس
حرميه
ممكن تلطق منك اى حاجهخ
وتمسكها ذله عليك
دى المدونه
بكل بساطه
النهارده انا قاعد فى اوطه النوم بتاعتى
هتكلم واحلم واللى امه داعيه عليه يتكلم ويحلم برضوا مفيش اى مانع
_______________________
اولا اسف على عدم تعليقى وتقصيرى على كل اللى بيشرفنى بالتعليق فى اى مدونه عندى وده علشان ظروفى ارجوا المعذره
________________________________
التدوين تجربه وهى اجمل تجربه عشتها بجد
ايوة الفيس دخل وطغى بس يظل
التدوين المرحله المتوسطه بين المنتديات والفيس توك ده
لانه فهرس البنى ادم انه يقعد ويكتب ذاكرته الاركترونيه
بمعنى اصح
ومن هنا
اتعرفت على شخصيات زى العثل
ايوة الفيس له الفضل انه قارب ما بينا وبفضل بيت المدونين الاول
وبعد كده الجروبات بتاعه اخوانا المدونين
قاربت اكتر واكتر
اعترف ان ناس كتيره حذرتنى من التدوين واصحابه
انهم متعقدين ومتقوقعين
وناس \ماغها ضاربه
انا اعترف بكده بس مش الكل ايوة
ناس حذرونى من اخلاق المدونين بكل صراحه
وتجارب ناس حكتها ليا بس الحمد لله
كل اللى شرفونى ناس محترمه وكل اللى اتعرفت عليهم مشفتش
حاجه وحشه منهم
ايوة علاقات مفتوحه على النت
غير مرغوب فيها على الاطلاق بس التدوين علاقه مقيده بفكر الشخص نفسه
واللى لابس قناع حتما هيقع
عشتوا معايا فرحى وحزنى
وتعبى والمى واعيادى
ونجاحى وفشلى
وحبى وقهرى
عشتوا معايا دموعى وضحكتى وهيافتى وقوتى
ذكائى وعبطى وبلاهتى
واستحملتوا كل ده
الف شكر لكل من تشرفت به او مر مرور الكرام
على مدونتى
ومش هقصر وهكتب وهحلم برضوا
-
--------------------------------------------------------------
هطق واتعلم احلم
ايوة نفسى احلم اتعلم احلم
نفسى اعد عن كل اللى بيسبطونى
ويكسرونى
ويكسلونى انى افكر
ايوة من حقى انى احلم
طموح
المفروط كان يكون عندى طموح قبل سن العشرين
تلوقتى ممكن يكون حلم او طموح مش هتفلسف
هقول باختصار
حلمى
محمود يكون كويس من جوه ومن بره من غير اقنعه ولا زيف
يعمل اللى مطلوب منه من ربه
من اهله
من اللى حوليه
ما دما هو الصح
بحلم
انى مكونش بعيد عن اهلى لانى اكتشفت
ان حلم ان الانسان كون وحيد زى ابطال الافلام
مش هقدر وانا مش البطل ده
بحلم باستقرار يملى قلبى ووجدانى
استقرار روح وفكر وعقل
استقرار وامان
مش عاوز اوجاع ولا توتر
بحلم
حلمى بسيط جدا مش هغنى اغنيه محمد فؤاد رغم انها بترن فى ودانى
بحلم وحلمى بسيط مش كتر مال ولا سيط
بحلم اكون نفسى
فعلا من حقى انى اكون نفسى
بحلم بحب حقيقى حب صداقه اخوه
بجد وبجد ملقتيهاش الا فى اخواتى
بحلم بقلب يحن عليا بحته من حكمه عقله
ويطمن وجدانى انى مش هعيش وحدانى
بحلم بحب حقيقى مش زيف ولا كدب
بحلم
نفسى اتعلم انى احلم بجد
من غير كلام
ولا لعب
نفسى
القى كل حاجه جميله وانا صغير تكون معايا
ونفسى اعمل كل حاجه وانا صغير كنت باعملها فى نفس
المكان
ممكن فى فى مكان غيره
نفسى اصلى الفجر فى وقته
واقعد وسط اصحابى بتوع زمان لطلوع الشمس
زى ما كنت بعمل
الحمد لله
هرجع واحلم تا نى
بحلم انى اضحك من قلبى
واشيل الخوف
من قلبى
بحلم
ببراءه الطفل
ورقه لمسه اليد بتاعه طفله مولوده
الحمد لله
يارب خلى لى بابا وماما
وكل اخواتى
هناك 10 تعليقات:
خد راحتك على الاخر يا حوده
امال الواحد لو مخدتش راحته فى بيته امال ياخدها فين
احلم واحلم ده حق مشروع من غير قيود
ربنا يحقق احلامك ويسعد ايامك وترجع بلدك يا غريب فى حضن ماما وبابا
بس اوعى تطق ...اتعلم ....واحلم بجد
الاحلام ممكن تتحق لو سعينا وراها
و متحكمش على حد الا لما تقرب منه و تعرف حقيقته ^___^
ربنا يحقق لك ما تتمناه يا محمود
ويحفظلك اسرتك ويرزقك بالخير دائما
اللهم آمين
بالرغم من طول البوست بس قريته مرتني
اصله خرجني من مووووود الاستفتاء
وكمان حسيت انك كاتبه بأحساس مختلف
برغم انك بتتكلم عن الحلم الا اني حسيت رنة الحيرة
بس حلم اعتقد انه مابيتعلمش
الانسان الممتفائل هو اللي بيعرف يحلم صح
والان اللي هيحلم يروح يحاول ويحارب علشان يحقق حلمه
احنا اتغيرنا اوي بعد الثورة صحيح التغيير لسه مابنش بس هيبان
:)
ربنا يوفقك ويحققلك كل أحلامك
حاجه حلوه أوى اننا نطلع أحللامننا ع الورق ونصارح بيها نفسنا
لأن فيه ناس كتير بتخاف تحلم
احلم من كلللل قلبك واسعى وادعى ربنا انه يقف جنبك
وهو اكيد مش هيخذلك
(:
مسا الخير
المدونه صرح كبير انت بنيته بنفسك اخترت اسمه واخترت لونه واخترت أسلوبك فيه ازاي عامل
لكن ده ما بيمنعش انك تدير بالك ع الوقع منك احلم بكل اللي بدك اياه ولكن أعطينا أفضل ما لديك في الحلم
فكرة جميله ومدونه رائعه
اشكرك
أجمل ما في الدنيا الإيجابية و الحلم أحلى شيء انك تحلمه وتقدر تكون إيجابي وتقاوم لغاية ما تحققه
ربي يحقق كل أحلامك الحلوة يا بني
السلام عليكم
انا ضد الرأى اللى بيقول ان الفيسبوك طعى على المدونات
اعتقد ان الفيسبوك مرحلة بتيحى بعد المدونة وعن نفسى ما دخلت الفيس الا علشان ادعم به مدوناتى
المدونة شىء خاص جدا بى وبتظهر شخصيتى فيها
على كل حال اسأل الله ان يحقق احلامك كلها واكتب اى شىء انت عايزه احنا معاك ومافى داعى للاعتذار لان مافى اى تقصير لازم نعذر بعض وربنا يساعدك فى اشغالك اخى العزيز
تحياتى وتقديرى لك
احلى مافى انه هزه او اول هزه من بركان جواك يامحود
احساس وطبيعتك حلو ه اوى حقيقه مش كلام وبس
ربنا يكرمك خير
يارب تحقق كل احلامك ويسعدك ويكرمك
ومتخفش من المدونين صوابعك موش زي بعضها
ويارب ترجع تنتظم في صلاة الفجر من تاني في ميعادها وربنا يرضى عليك
لولا(:
إرسال تعليق