سامحنى يابابا
سامحنى يابابا
لو ظلمتك فى يوم
سامحنى لو فى يوم زعلتك
لو فى يوم زعلت منى ومرضيتش تقولى وكتمت فى نفسك
بابا
اول مره احس انى مقصر فى حقك
مع انى كنت بانصح الناس بالاب والام
وانا اول المقصرين
سامحنى
لو عصيتك فى يوم
ومشيت فى طريق
انت مش راضى عنه
بس برجع
وعمرى ما اعتذرت ليك
لانك عودتنى عل الحضن الكبير
منك
والابتسامه العريضه منك
بابا
يارب يخليك ليا
هناك 22 تعليقًا:
السلام عليكم
يارب يخليهولك ويطول فى عمره ويكون بينكم دايما الاب الحنون
ماشاء الله عليك كلماتك اثرت فيا
كلمات بسيطه بس معبره عن حب الابن لوالده
اكيد مسامحك
الاغنيه كتير حلوه
دمت بخير
السلام عليكم
بص حضرتك انا اخر واحدة اتكلم عن الابهات لانى معرفش دور الاب اية لان بابايا متوفى من وانا صغيرة
لاكن اللى اعرفة انوا اكيد بيدور على مصلحتك وبيخاف على حضرتك
واكيد سمحك
السلام عليكم ورحمة الله وبركاته
اخى الفاضل الله عليك وعلى الكلمات الجميله دى رائعه
انا بدعى ليك يخلى ليك بابا يارب ويحفظه
انا بقا ادمعت لان بابا ميت ومش شفته خالص
ربنا يسعدك يارب
تقبل مودتى واحترامى لشخصك الجميل
ربنا يخليلك ولدك يا رب
ويكون ديما راضي عند
الاب ليه دور كبير اوي في الحياة بس احيانا مش بنحس بقيمة الدر ده غير لما نفدقدة
عشان كدة نصيحة من وحدة مجربة اوعى تخلي ابدا ولدك يكون مدايق منك ولا حتى الام طبعا
الله ماشاء الله البوست جميل وى وكلامه وغرضه روعة بجد وحاجة جديدة
تسلم ايدك وربنا يخليك لبابا ويخليلك بابا
سلامو عليكو..
الله يخلهولك وميحرمك منه ويمد بعمره ان شاء الله.
برجاء زيارة مدونة جنة وتحميل فيديو(رحلة جنيه)
لك تحياتى
انا عارفة اني مقصرة فعلا
بس المتحانات كانت شغلاني شوية كنت بافتح اشوف المدونة وارجع اذاكر بس ان شاء الله هاتابع كويس بعد الامتحانات
وبالنسبة للموضوع متخافش الأب والأم كمان دايما بيسامحوا والدليل اننا طول عمرنا مقصرين في حقهم ومهما عملنا برده هنفضل مقصرين ومع ذلك بيحبونا أكتر من أي حد تاني في الدنيا
ربنا يخليهولك يا رب
ربنا يخلي باباك ويديه طولت العمر
بجد حب الأب والام ورضاهم بالدنيا وما فيها
بجد يا محمود كلماتك البسيطه دي جميله واحساسك رقيق
وهو أكيد مسامحك لأن مهما الام والاب ادعوا انهم زعلانين من أولادهم دا بيكون ظاهري بس لكن من جواهم مسامحين جدا وراضيين عنا
هو اكيد مسامحك لأن بجد كفايه احساسك وحبك الجميل
دمت بكل حب
محمووووووووود
ازيك يا سوهاجى
واضح انك فضيت وخلصت امتحانات
ربنا يكلل تعبك بالنجاح
عايزه اقولك يا محمود يا ابنى
ان رضى الاب من رضى الرب
خد رضاه واسمع كلامه اكيد هو عايز مصلحتك
وثق تمام انه مهما حصل منك ح يسامحك
لان الاب هو القلب الحنين مهما كان معاملته قاسيه وشديد فهو حنين
ربنا يبارك لك فيه ويخلهولك
اولا عمر الأب ما بيزعل من إبنه هو ممكن ياخد جنب منه لو عمل حاجه غلط انما زعل من قلبه لا قلبه مش هيطاوعه
وبعدين ياشقى انتا
انتا عملت ايه فى بابا خلاك زعلان وعايزه يسامحك كده
شكلك عملت حاجه جامده
وربنا يخليهولك وميحرمكش منه ولا هو كمان يتحرم منك
بالنسبه للكليب سامحنى انا معرفتش اشوفه عشان النت عندى بيحمل الصفحه بالقوه وكمان بوستك الا فات معرفتش اعلق عليه بسبب الكليب النت مش مساعدنى خالص بالرغم انى بدخل فى اوقات يكون النت فيها الى حد ما كويس لكن بردوا الكليب مش بيحمل
خالص تحياتى
ربنا يخليكم لبعض
الحب الجميل
عزيزتى
نورتى
المدونه
والله
انا باحب بابا قوى
هو انسان بسيط للغايه
وطيب قوى من الصعايده القدام
بليبس ملفحه فوق راسه
والجلباب البلدى
الجميل
اللى لازم يكون طبعا مكوى
وان شاء الله هنزل صوره ليه عن قريب لانى بجد
اكتشفت انى مقصر فى حقه
قوى مش عارف ليه انا
عمرى ما عملت حاجحه الا بأذنه حتى لو الجميع معترض عليها
بس هو الوحيد اللى اولانى الثقه
فى حياتى
فى حين
انتزعها منى
الاخرون
يارب يبارك لى فيه
شكرا لكى
زهره جنى الاسلام
ربنا يكون فى عونك وهذا قدرك نسأل الله لكى الرضى
وان شاء الله تتجوزى
ويكون الزوج لكى الاب والابن والحبيب
ان شاء الله
يبارك فى حضرتك
منورينى دايما
ومبروك على النجاح
شذا الروح
ربنا يرحمه
يارب
ويبارك فيكى
ان شاء الله
حفظكى الله
يا شذا
كلام من قلبى
الاب دايما مهضوم حقه
والام
اللى واخده
كل الحنان
مع الاصح ان الاتينين
ليهم نفس الحقوق يارب يخليهم لينا يارب
شكرا لكى
مى
شكرا لكى
انتى وزرياتك
للى
الاروع والاجمل
بارك الله لكى
ست جنى الحسن
يارب يبارك فيكى
انا نشرت
الفيديو
فى المووضوع السابق
شكرا لزيارتك
مجرد فتاه
شرفتى يا
اختى
العزيزه
اسف على انى عاتبتك
سامحينى
شرفتينى
يارب
ينجحك
ويكرمك باى الدرجات يااااااااااارب
مرمر
ايه النصايح دى كلها
الحمد لله
انا مش مزعله
بس حاسس بالتقصير فى حقه
يارب
يديم التواصل
ويبارك
فيكى يارب
داليا
نورتى مدونتك بالطبع
ويارب النت عندك
يتصلح يارب
المهم
عاوزين منك خاطره جديده
كده
علشان انا
مخى وقف خلاص
مفيش كلام
ساسو
الشاعره الكبيره
والله
نورتى
عندك
حقك
الوالد
عمره
ما يتعوض
ابدا
استمرى فى ابداعك
موناليزا
امه الله
شكرا لزيارتك
وكلماتك
بارك الله لكى
إرسال تعليق